Etiraz aksiyaları zamanı daha 73 nәfәr xәsarәt alıb
İordan çayının qərb sahillərində, Qəzza zolağında və Şәrqi Qüdsdә baş verən etiraz aksiyaları zamanı 73 fәlәstinli xəsarət alıb.
Mәlumata görә, İsrail әsgәrlәrinin istifadә etdiyi gözyaşardıcı qaz sәbәbindәn 289 nәfәr dә boğulma tәhlükәsi ilә üzlәşib.
ABŞ prezidenti Donald Trampın keçәn hәftә Qüdsü İsrailin paytaxtı olaraq tanıma qәrarından sonra başda işğal altındakı Şәrqi Qüds olmaqla İordan çayının qәrb sahillәrinin müxtәlif bölgәlәrindә vә Qәzza zolağında etiraz aksiyaları keçirilir.
İsrail әsgәrlәrinin nümayişçilәrә sәrt müdaxilәsi nәticәsindә yüzlәrlә fәlәstinli xәsarәt alıb.
Qeyd edәk ki, ABŞ prezidenti Donald Tramp dekabrın 6-da keçirdiyi mәtbuat konfransında BMT Tәhlükәsizlik Şurasının Şәrqi Qüdslә bağlı qәtnamәlәrinә baxmayaraq: ‘‘Qüdsü rәsmi olaraq İsrailin paytaxtı olaraq tanıma zamanı gәldi’’ demişdi.
Tramp hәmçinin Tel Əvivdəki ABŞ səfirliyinin Qüdsə köçürülməsi hazırlıqları ilə bağlı göstəriş verdiyini açıqlamışdı.
Әlaqәli Xәbәrlәr
Rusiya Müdafiə Nazirliyi bəyanat yaydı
Rusiya Donetsk vilayətindəki Novokalinovo qəsəbəsini nəzarətə götürdüyünü açıqlayıb.