ABŞ Rusiyanı rəqib deyil, düşmən kimi gördüyünü göstərdi
Bunu Rusiyanın baş naziri Dmitriy Medvedev söylədi.
Rusiyanın baş naziri Dmitriy Medvedev Rusiya - Amerika Birləşmiş Ştatları əlaqələrindən danışdı.
Medvedev Rusiyanın Amerika Birləşmiş Ştatları ilə əlaqələrinin son illərin ən aşağı səviyyəsində olduğunu bildirdi.
Baş nazir:"ABŞ sanksiyalar tətbiq edərək, Rusiyanı rəqib deyil, düşmən kimi gördüyünü göstərdi. ABŞ-ın yeni sanksiyalarına qarşı Moskva rəhbərliyi də yeni məhdudiyyətlərə hazırdır" dedi.
Medvedev Cənub- Şərqi Asiya Ölkələri Birliyinin (ASEAN) 50-ci ildönümü münasibətilə verilən ziyafətdən sonra ABŞ prezidenti Donald Trump ilə danışdığını da qeyd etdi.
Qeyd edək ki, Rusiyanın müdafiə naziri Sergey Şoyqu da ABŞ-ın faktiki olaraq terror təşkilatı DEAŞ-ın üstünü örtdüyünü bildirərək: "ABŞ Yaxın Şərqdə terrorizmlə mübarizə edirmiş kimi davranır" demişdi.
