Hamburq şəhərində küçələr hərb meydanına çevrildi

Dünya liderlərinin iştirak edəcəyi G20 sammiti Almaniyanın Hamburq şəhərində etiraz aksiyalarının kölgəsində başlayır.

Hamburq şəhərində küçələr hərb meydanına çevrildi.

Etirazçılar polis əməkdaşları  ilə toqquşub, maşınlara od vurub yandırıblar. Etirazların hələ də davam etdiyi bildirilir.

Etirazçılar “Cəhənnəmdə xoş gördük” və “G20-ni məhv et” şüarları daşıyıblar. Onlar siyasi xadimlərin sülhü təhdid edən problemlərin həllində kifayət səviyyədə qabiliyyətləri olmadığını söyləyirlər.

Etiraz nümayişlərinə 100 min insanın qatılacağı gözlənilir.

Alman polisi etirazçılardan 8 min nəfərin zoraklığa meyilli qruplara mənsub olduğunu güman edir.