Əfqanıstanda ABŞ əsgərlərinə silahlı hücum oldu
Əfqanıstanın Mezar-ı Şərif şəhərində bir əfqan əsgərinin NATO bazasında xidmət edən Amerika Birləşmiş Ştatları əsgərlərinə silahla hücum etməsi nəticəsində 4 əsgər yaralanıb.
Əfqanıstanın şimalındakı 209-cu Şahin Korpusu Komandanlığının sözçüsü Əbdülqədir Ara Mezar-i Şərifin Dehdadi bölgəsində yerləşən hərbi hissədə bir əsgərin onlara təlim keçən ABŞ əsgərlərinə atəş açdığını söylədi.
Hücumda 4 ABŞ əsgərinin yaralandığını qeyd edən Aram hadisədən sonra təcavüzkarın zərərsizləşdirildiyini bildirdi.
Əfqanıstandakı ABŞ qüvvələrindən verilən açıqlamada məsələnin araşdırıldığı qeyd edilir.
Təxminən 2 ay əvvəl 209-cu Şahin Korpusu Komandanlığına terrorçular tərəfindən təşkil olunan hücumda da 140 təhlükəsizlik işçisi həyatını itirmişdi.
ABŞ-ın birlikdə çalışdığı əfqan ordusunda ABŞ əsgərlərinə qarşı təcavüz hallarına son dövrdə tez-tez rast gəlinir.
Bir həftə əvvəl də ölkənin şərqində Nangarhar vilayətində 3 amerikan əsgəri bir əfqan əsgəri tərəfindən öldürülmüşdü.
