Koalisiya sözçüsünün dili çaşdı

Terror təşkilatı DEAŞ-a qarşı Koalisiyanın sözçüsü ABŞ polkovniki John Dorrian Suriyanın Rakka şəhərinə keçirilə biləcək mümkün əməliyyatda dəstəklədikləri qrupun bir hissəsini də separatçı terror təşkilatı PKK-nın təşkil etdiyini söylədi.

Dorrian İraqln paytaxtı Bağdaddan teleknfransla bağlandığı ABŞ Müdafiə Nazirliyi - Pentaqonda toplanan mətbuat nümayəndələrinin Rakka əməliyyatı barədə suallarını cavablandırdı.

Koalisiya sözçüsünün PKK-nın Suriya qolu PYD və silahlı qolu YPG-ni nəzərdə tutaraq:" PKK Suriyada Amerika Birləşmiş Ştatalarının dəstəklədiyi qrupun bir hissəsidir" deməsi diqqət çəkdi.

Dorrianın bu sözlərindən sonra bir mətbuat nümayəndəsinin: " PKK ABŞ-ın dəstəklədiyi qüvvələrin bir parçasıdır" dediyinizi eşitdim, dəqiqləşdirmək üçün soruşuram" sualına koalısıya sözçüsü: "Eləmi dedim? YPG dedim" deyə düzəltdi.

Sözçü Türkiyənin DEAŞ-la mübarizəyə verdiyi töhvənin çox əhəmiyyətli olduğunu və Dabık kimi DEAŞ üçün çox vacib olan bir sıra yerin Türkiyə tərəfindən geri alındığını dilə gətirərək:"DEAŞ-la mübarizədə Türkiyənin töhvələri çox dəyərlidir" dedi.

Polkovnik Dorrian Rakka bölgəsinə 3-4 minə qədər DEAŞ üzvünün olduğunu düşündüklərini bildirdi, görülməli çox işin olduğunu qeyd etdi.