Alman əsgər yaxalandı

Avstriyanın paytaxtı Vyanada özünü suriyalı qaçqın olaraq təqdim edən 28 yaşlı alman əsgər hücuma hazırlaşarkın yaxalandı.

Almaniyada suriyalı olaraq qeydiyyatda olan terrorçu Vyana hava limanında üstündəki silahla nəzarətə alındı.

 Frankfurt Prokurorluğu əsgərlə birlikdə başqa şəxsi də terror şübhəsi ilə həbs etdi.

Alman əsgərin 2015-ci ildə qaçqın düşərgəsində qeydiyyata düşdüyü və sığınacaq üçün müraciət etdiyi, qaçqın olaraq bir müddət ev bə maliyyə yardımı ilə təmin olunduğu açıqlandı. 

Hücumu ksenofobik səbəblərdən törətmək istədiyi bildirilən terrorçunun hava limanının tualetində gizlətdiyi silahlar, mobil telefonlar və noutbuklar ələ keçirildi.