Çexiya qaçqınları qəbul etmir

  Çexiya Avropa İttifaqının üzv ölkələr arasında paylanmasına tətbiq etmək istədiyi kvota sistemi daxilində qaçqınları qəbul etməyəcəyini bildirib.

  Çexiya Daxili İşlər naziri Milan Çovanec deyib: "Avropa İttifaqı iqtisadi sanksiyalarla təhdid etsə belə, Çexiya kvota daxilində qaçqın qəbul etməyi düşünmür."

  Çexiyanın bu günə qədər 1600 qaçqından 12-sini qəbul etdiyini, qalanını  tamamlaya bilməyəcəyini söyləyən Çovanec bu qərarı ölkənin milli təhlükəsizliyinə görə verdiklərini deyib.

  Qeyd edək ki, Avropa İttifaqı Ədalət və Daxili İşlər Şurası 2015-ci ilin sentyabrında Avropada 120 min qaçqının kvota sitemiylə üzv ölkələrə paylanılması təklifini verdiyi zaman Slovakiya, Çexiya, Rumıniya və Macarıstan qarşı çıxdı, buna baxmayaraq, Şura təklifi səs çoxluğu ilə qəbul etdi.