Böyük Britaniya: “Brexit” haqqında qanun layihəsinin birinci mərhələsi təsdiq edilib

Böyük Britaniyanın İcmalar Palatası “Brexit” üzrə qanun layihəsini ikinci oxunuşda qəbul edib.

Məlumata görə, qanun layihəsinin lehinə 498, əleyhinə 114 palata üzvü səs verib.

Böyük Britaniyanın Avropa İttifaqından çıxmasına dair müzakirələr iki gün davam edib. 

Qeyd edək ki, ötən il, iyunun 23-də Böyük Britaniyada keçirilən referendumda əhalinin 52 %  ölkənin Avropa İttifaqından çıxmasının lehinə səs verib.