Donald Tramp Meksikadan idxala 20% vergi tətbiq edəcək
Bunu Ağ Evin mətbuat katibi Şon Spayser bildirib.
ABŞ prezidenti Donald Tramp bəyan edib ki, əgər Meksika hökuməti iki ölkə arasında divarın tikilməsi üçün vəsait ödəmək istəmirsə, onda Meksika prezidenti Enrike Peni Nyetonun yanvarın 31-ə planlaşdırılmış görüşü təxirə salınsa daha yaxşı olar.
Donald Tramp bunu şəxsi ‘‘Twitter’’ səhifəsində yazıb.
D.Tramp qeyd edib: "Əgər Meksika bu qədər vacib bir divarın inşası üçün vəsait ödəmək istəmirsə, onda gözlənilən görüşü təxirə salmaq daha yaxşıdır".
Meksika prezidenti Enrike Peni Nyeto isə açıqlama verәrәk yanvarın 31-də ABŞ-a planlaşdırdığı səfərini ləğv etdiyini bildirib.
Enrike Peni Nyeto bildirib ki: ‘‘ Yanvarın 31-dә ABŞ-a planlaşdırdığım sәfәri lәğv etdiyimi Ağ Evә bildirdim. Meksika hər iki ölkəyə fayda gətirəcək sazişlərin əldə olunması üçün ABŞ-la işləmək niyyətində olduğunu bir daha bildirir”
Ağ Evin mətbuat katibi Şon Spayser bildirib ki: ''ABŞ prezidenti Donald Tramp Meksikadan idxala 20% vergi tətbiq edəcək və yığılan vəsait divarın tikilməsini ödəyəcək''