Yәmәndә davam edәn toqquşmalar nәticәsindә azı 1400 uşaq hәlak olub

Yəməndə Husilәr və eks-prezident  Əli Abdullah  Saleh tərəfdarları ilə hökumət qüvvələri arasında təxminən iki ildir davam edən toqquşmalar nәticәsindә  azı 1400 uşaq həyatını itirib.

BMT  Uşaq  Fondunun (Yunisef)  məlumatına  görə,  2015-ci ilin mart ayından etibarәn  davam edən toqquşmalar nәticәsindә   2400-den çox  uşaq da yaralanıb.

Bundan başqa  14 milyondan çox uşağın  təmiz suya ehtiyacı var.

Mәlumata görә, 1 milyon  700 min uşaq isə kifayət qədər qidalanmır.

Qeyd edәk ki, ölkәdә davam edәn toqquşmalar sәbәbindәn  2 min mәktәbin dә  yerlә-yeksan olduğu bildirilir.