ABŞ-da Trumpa qarşı etirazlar davam edir
Amerika Birləşmiş Ştatlarında noyabrın 8-də keçirilən prezident seçkilərindən zəfərlə çıxan Donald Trumpa qarşı ölkə daxilində etirazlar davam edir.
New Yorkda təxminən 20 min nəfər Manhattanda Union Meydanında toplaşdı. Nümayişçilər 5-ci prospektdən Trump Towerə kimi yürüyüş etdilər.
Nümayişçilərin tutduqları plakatların üzərində "Müsəlmanlar, xoş gəldiniz", "Haqq uğrunda mübarizə apar", "Dünyaya xalqın səsinin necə olduğunu göstər" və "Bizim prezidentimiz deyil" yazıları vardı.
Etiraz edənlər "Mənim Prezidentim deyil", "Trumpa xeyr", " Amerika, oyan" və "Qaradərililərin həyatı əhəmiyyətlidir" kimi şüarlar səsləndirdilər.
Nümayişçilərin arasında olan rejissor Michael Mooreun mobil telefonu ilə tez-tez fotoşəkil çəkdiyi görüldü.
Ciddi təhlükəsizlik tədbirləri görən polis dəstələri Tramp Towerin yerləşdiyi küçəni bağladı.
Digər tərəfdən, Los Angeles və Chicagoda da Trump əleyhinə mitinqlər keçirildi.
Chicagoda Milliennium parkında toplaşan etirazçılar şüarlar səsləndirərək şəhər küçələrini dolaşdılar.
Әlaqәli Xәbәrlәr
Rusiya Müdafiə Nazirliyi bəyanat yaydı
Rusiya Donetsk vilayətindəki Novokalinovo qəsəbəsini nəzarətə götürdüyünü açıqlayıb.