Bəzi siyasәtçilәr İngiltərəni Avropa İttifaqından çıxmamağa çağırdı

Referendum öncəsi bəzi beynəlxalq aktörlar İngiltərəni Avropa İttifaqından çıxmamağa çağırıb.

Fransa prezidenti Fransua Holland bildirib ki, Avropa İttifaqı bazarında böyük çəkisi olan İngiltərənin qurumdan çıxması yanlış addım olardı. Bu, ölkə iqtisadiyyatına real təhlükə baxımdan arzuolunmazdır.

İngiltərənin Birlikdən çıxmasını "özünə zərərvurma" kimi qiymətləndirən Avropa İttifaqı Komissiyasının prezidenti Yan Klod Yunker isə deyib ki, siyasətçilər və seçicilər bu məsələnin heç vaxt yenidən müzakirə olunmayacağının fərqinə varmalıdırlar.

Almaniya kansleri Angela Merkel isə İngiltərənin qurumdan çıxdıqdan sonra yaranacaq vəziyyətə şərh vermək verməyib.

 NATO Baş Katibi Jens Stoltenberq də İngiltərənin Avropa İttifaqında qalmasının tərəfdarıdir. O, deyib ki, güclü Avropa naminə İngiltərə Birlikdə qalmalıdır.