51 diplomat Barak Obamanın Suriya siyasǝtini tǝnqid edib
Ağ Evi Suriya prezidenti Bəşər Əsədlə müharibəyə çağıran idarədaxili sənəd imzalayıb
512805
“The Wall Street Journal”ın mǝlumatına görǝ, sənədə ABŞ Dövlət Departamentində Suriya məsələsi ilə məşğul olan 51 orta və yüksək vəzifəli diplomat imza atıb. Müraciətdə atəşkəs haqqında razılaşmanın pozulması ilə əlaqədar Suriya rejiminin mövqelərinə təcili hərbi zərbələrin endirilməsinə çağırış edilir. Suriya məsələsində prezident Obamanın siyasəti, o cümlədən, münaqişə tərəflərindən hər hansı birinə dəstəkdən imtina edilməsi pislǝnilir. Sənədin müəllifləri Vaşinqtonu müxalifətlə əlaqələri möhkəmləndirməyə çağırırlar.
ABŞ Dövlət Katibliyinin sözcüsü sənədi aldıqlarını bildirib. Ancaq mövzu ilǝ ǝlaqǝdar açıqlama vermǝyib.
