Yǝmǝndǝ ǝsir götürülǝn uşaqlar sǝrbǝst buraxılacaq

Yǝmǝndǝ tǝrǝflǝr toqquşmalar zamanı ǝsir götürülǝn uşaqların qarşılıqlı  olaraq sǝrbǝst buraxılması barǝdǝ razılaşıb.

Әldǝ edilǝn razılaşmaya ǝsasǝn, toqquşmalar zamanı ǝsir götürülǝn uşaqlar şǝrt irǝli sürülmǝdǝn ailǝlǝrinǝ tǝhvil verilǝcǝk.

Razılaşma hǝyata keçirilǝcǝyi tǝqdirdǝ bu, şiǝ Husilǝr ilǝ Sǝudi Әrǝbistanı rǝhbǝrliyindǝki koalisiya arasında aprelin 21-dǝn bǝridir davam edǝn sülh danışıqlarında ǝldǝ edilǝn ilk konkret nǝticǝ olacaq.

BMT-nin mǝlumatına ǝsasǝn, Yǝmǝndǝ davam edǝn toqquşmalarda ǝn az 6 min 400 nǝfǝr hǝyatını itirib. Ölǝnlǝrdǝn 785-nin uşaq olduğu vǝ 1200 nǝfǝrǝ yaxın uşağın yaralandığı bildirilib.

Yǝmǝndǝ ǝsir uşaqlar barǝdǝ razılıq ǝldǝ edilmǝsinǝ baxmayaraq atǝşkǝs qǝrarı yoxdur.

Әdǝn Hava Limanında tǝhlükǝsizlik qüvvǝlǝri ilǝ silahlı qrup arasında baş verǝn toqquşmada dinc ǝhalidǝn bir nǝfǝr hǝyatını itirib.

Taizdǝ Husilǝrin yaşayış mǝntǝqǝlǝrinǝ etdiyi hücumlarda 2 nǝfǝr hǝlak olub, 17 nǝfǝr isǝ yaralanıb.