Bolqarıstanda kiber hücumlardan qorunmaq üçün çap maşınlarından istifadə ediləcək

Bolqarıstan virtual mühitdəki mümkün hücumların qarşısını almaq üçün çap maşınından istifadəyə qayıtdı.

Prezident Rosen Plevneliev başçılıq etdiyi Milli Təhlükəsizlik Şurasının toplantısından sonra verdiyi açıqlamada ölkəsinin daim kiber hücumlara məruz qaldığını dedi.

Əsas təhdidlərin cinayət təşkilatları, beynəlxalq terror təşkilatları və terrora əsaslanan rejimlərdən gəldiyini bildirən Plevneliev, hücum təşkil olunan yerlər arasında mühüm infrastruktur obyektləri, banklar, hava limanları və dövlət və özəl qurumların olduğunu qeyd etdi.

Vətəndaşlara aid məlumat bazalarından sızıntı aşkar edildiyini etiraf edən Plevneliev, bəzi virtual hücumlarda mövcud internet səhifələrinin məzmununun yerinə saxta məzmun yerləşdirildiyini dedi.

Prezident Plevneliev virtual hücumların məqsədinin yerli və xarici şirkətlərə maliyyə cəhətdən zərər vermək olduğunu irəli sürdü.

Baş nazir Boyko Borisov da dövrümüzün virtual təhdidləri qarşısında əsas kəşfiyyat strukturlarının iş üslublarını nəzərdən keçirdiklərini söylədi.

Borisov: "Xüsusi xidmət orqanları belə virtual mühitdəki mümkün hücumların qarşısını almaq üçün adi çap maşını ilə protokol hazırlama tərzinə geri qayıtdı" dedi.