Məhəmməd Abrini Belçikada tutulub
Avropada terrora qarşı mübarizǝ çǝrçivǝsindǝ başladılan əməliyyatlar davam edir.
Son dövrdə Avropanı sarsıdan terror hücumlarının cinayǝtkarları tutulur. Fransanın paytaxtı Parisdə törǝdilǝn terror hücumlarının cinayǝtkarlarından Məhəmməd Abrini Belçikada tutulub.
Brüssel Federal Prokurorluğun mǝlumatına görǝ Abrini cinayətin törǝdildiyi yerdǝ olduğunu etiraf edib. Hadisǝdǝn sonra pencəyini zibilə atıb papağını da satdığını söylǝyib.
Brüsseldə keçən ay Zaventem hava limanında hǝyata keçirilǝn hücum əvvəli təhlükəsizlik kameralarının qeyd etdiyi görüntülǝrlǝ tǝsbit edilǝn iki komikadzenin yanında yer alan üçüncü şǝxsin Abrini olduğu açıqlanmışdı.
Sǝlahiyyǝtlilǝrǝ görǝ Abrini Brüssel və Paris hücumlarını törǝdǝn DEAŞ dəstəkli eyni qruplaşmanın üzvüdür.
Brüsseldə hǝyata keçirilǝn əməliyyat zamanı Abrini ilǝ yanaşı daha 4 nǝfǝr nəzarətə alınıb. Onların arasında Üsamə K. nin dǝ olduğu bildirilir.
