Pekində "qırmızı" səviyyəli xəbərdarlıq

Çinin paytaxtı Pekində havanın çirklənməsi ilə əlaqədar 2015-ci ildə ilk dəfə ən
yuxarı- “qırmızı” səviyyəli xəbərdarlıq elan edilib. Şəhərdə avtobillərin hərəkəti
məhdudlaşdırılıb, sənaye müəssisələrində iş dayandırılıb. Rəsmilər uşaq bağçaları
və orta məktəblərə tətil etməyi tövsiyə edib. Hökumət paytaxt sakinlərinə vacib
olmadığı təqdirdə küçəyə çıxmamağı məsləhət görüb. Mütəxəssislərin proqnozuna
görə çirkli hava dumanı hələ bir neçə gün davam edəcək.