Qaçqın axını Avropanın gündǝmindǝ öz yerini qoruyur

Yunanıstan Türkiyǝ ilǝ ǝmǝkdaşlıq istǝyir, ancaq Әgǝ sahillǝrinǝ ortaq nǝzarǝti qǝbul etmir.
Yunanıstan qaçqın böhranı mǝsǝlǝsindǝ Türkiyǝ ilǝ müxtǝlif sahǝlǝrdǝ ǝmǝkdaşlıq etmǝk istǝdiyini, ancaq Әgǝ dǝnizi sǝrhǝdlǝrinǝ Türk-Yunan ortaq keşikçilǝri tǝrǝfindǝn nǝzarǝt edilmǝsini istǝmǝdiyini bildirib.
Yunanıstan Xarici İşlǝr Nazirliyinin nümayǝndǝsi Konstantin Kutras böhranın hǝlli üçün qaçqınların keçid olan vǝ qǝbul edǝn ölkǝlǝrǝ dǝstǝk verilmǝsi, yenidǝn geri qayıtma ilǝ ǝlaqǝdar Türk-Yunan protokolunun vǝ “Avropa İttifaqı-Türkiyǝ Geri Qayıtma” sazişinin hǝyata keçirilmǝsinin lazım gǝldiyini söylǝyib.
Kutras Yunanıstanın qaçqın böhranı ilǝ mübarizǝdǝ Türkiyǝ ilǝ müxtǝlif sahǝlǝrdǝ ǝmǝkdaşlığı arzu etdiyini ancaq, bunun sadǝcǝ mǝlumat mübadilǝsi vǝ geri tǝhvil vermǝ sahǝlǝrindǝ mümkün ola bilǝcǝyini qeyd edib.
Digǝr tǝrǝfdǝn Avropa İttifaqı Komissiyası Şengen bölgǝsindǝ yerlǝşǝn Avropa ölkǝsi Almaniya, Sloveniya vǝ Avstriyada tǝtbiq edilǝn sǝrhǝdǝ nǝzarǝt işlǝrinin uyğun olub olmadığının tǝdqiq edilǝcǝyini açıqlayıb.
Komissiyada vǝzifǝli bir sözcü Almaniyanın Avstriya ilǝ olan sǝrhǝddǝ tranzid bölgǝ yaradılması ilǝ bağlı planlar haqqında bǝzi qaydalara ǝmǝl edilǝcǝyi tǝqdirdǝ belǝ bölgǝlǝrin hüquqa uyğun olduğunu bildirib.