İsrailli vǝ rus rǝsmilǝr bir araya gǝlǝcǝklǝr

İsrailli vǝ rus rǝsmilǝr Suriya ǝrazilǝrindǝ iki ölkǝnin qüvvǝlǝri arasında yarana bilǝcǝk zorakılıq hadisǝlǝrinin qarşısının alınması mǝsǝlǝsini müzakirǝ edǝcǝklǝr.
İsrail dövlǝt radiosunda yayımlanan xǝbǝrdǝ İsraildǝ çǝrşǝnbǝ axşamı günü başlayacaq danışıqların iki gün davam edǝcǝyini bildirib.
Görüşdǝ Rusiyanın nümayǝndǝ heyǝtinǝ Baş Qǝrargah rǝisinin müavini Nikolay Bogdanovskiy, İsrailin nümayǝndǝ heyǝtinǝ isǝ Baş Qǝrargah rǝisinin müavini Yair Qolan başçılıq edǝcǝk.
İsrailin Baş naziri Benyamin Netanyahu ölkǝsinin Rusiya ilǝ ǝlaqǝlǝrinin yaxşı olduğunu bildirmişdi.
Netanyahu Amerikanın CNN telekanalına verdiyi müsahibǝdǝ İsrailin Rusiya ilǝ düşmǝncǝ bir ǝlaqǝnin qarşısını almaq istǝdiyini deyib, ABŞ vǝ NATO-nun ǝksinǝ Rusiyanın Suriyadakı hava hücumlarını tǝnqid etmǝmiş vǝ ölkǝsi ilǝ Moskvanın ǝlaqǝlǝrinin yaxşı olduğunu dilǝ gǝtirmişdi.
İsrail mǝnbǝlǝri isǝ Suriyadakı hǝrbi varlığı mövzusunda Rusiya ilǝ arada razılıq olduğunu vurğulayıb.