Bəhreyndə yüzlərlə insan etiraz aksiyası keçirib

Sitra şəhərində keçirilən aksiyalarda polislə qrşıdurma yaranıb.

Bəhreyndə yüzlərlə insan siyasi fəalların həbsinə etiraz olaraq nümayiş keçirib. Manamada keçirilən nümayişlərdə etirazçılar cümə namazından sonra küçələrə çıxaraq hökumətə qarşı şüarlar səsləndirib. Sitra şəhərində keçirilən aksiyalarda isə polislə qrşıdurma yaranıb. Qeyd edək ki, Bəhreyndə hər həftə qılınan cümə namazından sonra ölkənin müxtəlif bölgələrində hökumət əleyhinə aksiyalar keçirilir. 2011-ci ilin fevral ayından təşkil edilən aksiyalarda bir çox siyasi lider və fəal həbs olunub.