Tunisdәki terrorun qurbanları әn çox ingilislәr olub

İTunusdə otelə təşkil edilən terror hücumu zamanı ən çox ingilislər itki verib.
Hücumda həyatını itirən 39 nəfərdən 30-u ingilis vətəndaşı olub. İngiltərə mətbuatı Tunusdəki sərt qaydalar və bürokratik əngəllər səbəbindən həyatını itirən ingilis vətəndaşlarının şəxsiyyətini müəyyən etməkdə çətinlik yaşandığını yazıb.
Ölənlər arasında alman, belçikalı və irlandiyalılar da var.
Qeyd edək ki, hadisə baş verən zaman İngiltərə Xarici İşlər Nazirliyi hücumda 15 İngilis vətəndaşının öldüyünü açıqlamışdı.
Tunisdəki hadisə 2005-ci ildə Londonda baş verən metro və avtobus hücumlarının ardından İngilis xalqına edilən ən ciddi terror hücumu kimi qiymətləndirilir.