Fransada mövzuyla bağlı istintaq prosesi davam edir

BMT fransız ǝsgǝrlǝrinin Afrikada uşaqları istismar etdiyinǝ dair iddiaları araşdırmaq mǝqsǝdilǝ komissiya yaradıb.
İyul ayında vǝzifǝyǝ başlayacaq komissiya 10 hǝftǝdǝ mǝslǝhǝt vǝ müşahidǝlǝrini ǝhatǝ edǝn hesabatı Baş Katibǝ tǝqdim edǝcǝk. Hazırlanacaq hesabat daha sonra ümumi ictimaiyyǝtin nǝzǝrinǝ çatdırılacaq.
Komissiya BMT-nin bütün qeydiyyatlarından istifadǝ edǝ vǝ Tǝşkilatın ǝmǝkdaşları ilǝ ǝlaqǝ saxlaya bilǝcǝk.
Qeyd edǝk ki, BMT ǝmǝkdaşlarından birinin sızdırdığı sǝnǝdlǝrdǝ Mǝrkǝzi Afrika Cümhuriyyǝtindǝki sülhmǝramlı fransız ǝsgǝrlǝrinin uşaqları yeyǝcǝklǝrlǝ aldadaraq zorladığına dair mǝlumat yer almışdı. BMT ǝmǝkdaşı uşaqların narahat edildiyinǝ dair lazım olanın yerinǝ yetirilmǝdiyini düşünǝrǝk mǝxfi sǝnǝdlǝri fransız rǝsmilǝrǝ sızdırmışdı.
BMT isǝ lazım olanın yerinǝ yetirilmǝdiyinǝ dair iddiaları qǝbul etmǝmişdi. Fransada isǝ mövzuyla bağlı istintaq davam edir.