Nüvǝ müzakirǝlǝrin yeni turu

İranın nüvǝ proqramına dair müzakirǝlǝr ABŞ Dövlǝt Katibi Con Kerri vǝ İran Xarici İşlǝr naziri Mǝhǝmmǝd Cavad Zǝrif arasında sabah İsveçrǝnini Lozanna şǝhǝrindǝ davam edǝcǝk.
Martın 31-nǝ qǝdǝr qǝbul edilmǝsi planlaşdırılan çǝrçivǝ sazişi ǝrǝfǝsindǝ Kerri vǝ Zǝrif rǝhbǝrliyindǝ, İran ilǝ BMT Tǝhlükǝsizlik Şurasının beş daimi üzvü ABŞ, Rusiya, Fransa, Çin vǝ İngiltǝrǝ ilǝ Almaniyadan ibarǝt “altılıq” ölkǝlǝri arasındakı müzakirǝlǝrin martın 29-na qǝdǝr davam edǝcǝyi gözlǝnilir.
Rusiya Xarici İşlǝr naziri Sergey Lavrovun da martın 29-da keçirilǝcǝk müzakirǝlǝrǝ qatılacağı nǝzǝrǝ alınıb.
Martın 31-nǝ qǝdǝr razılıq ǝldǝ edilǝ bilmǝyǝcǝyi tǝqdirdǝ nüvǝ müzakirǝlǝrdǝn müsbǝt nǝticǝ çıxmasının tǝhlükǝ ilǝ üzlǝşǝcǝyindǝn duyulan narahatlıq sǝbǝbindǝn son vaxtlarda Lozannada danışıqlar keçirilib.
Lozannadan ayrılmadan öncǝ mǝtbuat konfransı tǝşkil edǝn Kerri deyib ki, danışıqların axırına hǝlǝ gǝlib çıxmamışıq, lakin heç şübhǝ yoxdur ki, görüşlǝrdǝn müsbǝt nǝticǝ ǝldǝ edilmǝsi üçün qarşımızda bir fürsǝt var.
Qeyd edǝk ki, İranın nüvǝ proqramına dair müzakirǝlǝrdǝ daha ǝvvǝl yekun razılıq ǝldǝ edilǝ bilmǝdi vǝ martın 31-nǝ qǝdǝr çǝrçivǝ sazişi mǝnimsǝnmǝsini mǝqsǝd götürǝn müzakirǝlǝrin tarixi cari ilin iyul ayının 1-nǝ qǝdǝr uzadılıb.