Türkiyə Əfanıstanda bir sıra tədbirlər həyata keçirəcək
Türkiyə Silahlı Qüvvələri, Əfqanıstanın Kabil Beynəlxalq Hava limanının idarəetməsini həyata keçirəcək.
Türkiyə Silahlı Qüvvələri, Əfqanıstanın Kabil Beynəlxalq Hava limanının idarəetməsini həyata keçirəcək.
Əfqanıstanda Beynəlxalq Təhlükəsizliyə Yardım Qüvvələrinin (İSAF) fəaliyyətinin başa çatması və vəzifələrini yanvarın 1-dən Dəstək Missiyasına verməsi ilə əlaqədar olaraq Türkiyə bu ölkədə bir sıra tədbirlər həyata keçirəcək.
Bu çərçivədə Əfqanıstanda fəaliyyətini davam etdirəcək Türkiyə, beynəlxalq ictimaiyyətlə birgə Kabildə asayişin təmin olunmasına qatılacaq. Türkiyə Silahlı Qüvvələrinin zabitləri Əfqanıstan Milli Təhlükəsizlik Qüvvələri qərargahları və nazirliklərinə müşavir təyin ediləcək, əfqan xalqına səhiyyə xidməti göstəriləcək və Əfqanıstan Silahlı Qüvvələrinin hərbi tədris müəssisələrinə personal dəstəyi veriləcək. Ümumilikdə Əfqanıstanda Türkiyə Silahlı Qüvvələrinin 1000 nəfər hərbçisi xidmət edəcək.
