Fələstin məsələsinə dair qətnamə layihəsi qǝbul edilmǝyib

BMT Təhlükəsizlik Şurası Fələstin məsələsinə dair qətnamə layihəsini qəbul etməyib.
İclasda sənədin qəbulunu təmin edəcək 9 səs toplamaq mümkün olmayıb.
Qətnamə layihəsini Rusiya daxil olmaqla yalnız 8 dövlət dəstəkləyib, ABŞ və Avstraliya ǝleyhinǝ olub. Beş ölkə isǝ bitərəf qalıb.
Sənəd müstəqil Fələstin Dövlətinin yaradılmasını və Fələstin-İsrail münaqişəsinin tam nizamlanması üçün 12 ay müddəti nəzərdə tutur. Qətnamə layihəsindǝ həmçinin Fələstin Dövlətinin suverenliyinin təminatçısı olacaq “üçüncü tərəfin” nəzarəti altında 2017-ci ilin sonunadək İsrail qoşunlarının Fələstin ərazilərindən çıxarılması nəzərdə tutulub. Bundan ǝlavǝ, sənəddə Şərqi Qüds də daxil olmaqla İsrailin 1967-ci ildən bu vaxtadək nəzarətinə keçmiş Fələstin torpaqlarında məskunlaşdırılma fəaliyyətinə tamamilə son qoymasının vacibliyi qeyd edilib.