Cenevrǝ konfransı sona çatıb

Dördüncü Cenevrǝ Sazişinǝ Tǝrǝf Dövlǝtlǝr Konfransı, ötǝn gün İsveçrǝdǝ Dünya Meteorologiya Tǝşkilatında baş tutub.
126 üzv ölkǝnin nümayǝnlǝrinin qatıldığı toplantıda, Qǝrbi Şeriyǝ, Qǝzza vǝ Şǝrqi Qüdsdǝki vǝziyyǝt beynǝlxalq insani hüquq baxımından müzakirǝ edilib.
Toplantıda qǝbul edilǝn 10 maddǝdǝn ibarǝt bǝyannamǝdǝ, “beynǝlxalq insani hüquqa tamamilǝ hörmǝt edilmǝsinǝ duyulan ǝhtiyac” dilǝ gǝtirilib.
Bǝyannamǝdǝ, bütün ciddi sǝviyyǝdǝki zorakılıq hadisǝlǝrinin araşdırılması vǝ mǝhkǝmǝyǝ çıxarılmasının vacibliyi qeyd edilib.
Bǝyannamǝnin, Fǝlǝstin daxil olmaqla konfransa qatılan ölkǝlǝr üzǝrindǝ asılılığı var, ancaq toplantıda iştirak etmǝyǝn tǝrǝf ölkǝ olan İsrail üzǝrindǝ bir asılılığı yoxdur.
Konfransa İsraillǝ yanaşı, ABŞ, Avstraliya vǝ Kanada nümayǝndǝlǝri qatılmayıb.
Toplantıda çıxış edǝn İsveçrǝnin sǝfiri Paul Fivat, konfransın, tǝrǝflǝri günahlandırma vǝ ya pislǝmǝk mǝqsǝdi ilǝ keçirilmǝdiyinǝ diqqǝt çǝkib.
Digǝr tǝrǝfdǝn Türkiyǝnin BMT Cenevrǝ Ofisindǝ vǝzifǝli daimi nümayǝndǝsi sǝfir Mehmet Fǝrdǝn Çarıkçı, “Fǝlǝstin, ilk dǝfǝ saziş tǝrǝflǝrindǝn biri kimi digǝr ölkǝlǝrlǝ bǝrabǝr statusda toplantıya qatıldı”deyib.
Çarıkçı, keçirilǝn konfransla Cenevrǝ bǝyannamǝlǝrinin hǝyata keçirǝ bilǝcǝyinin tǝsdiq edildiyini dǝ dilǝ gǝtirib.