Poroşenko açıqlama verib

Ukrayna prezidenti Pyotr Poroşenko, ölkenin şǝrqindǝki Donetsk vǝ Luhanskın bǝzi bölgǝlǝrinǝ özǝl status verilmǝsini ehtiva edǝn layihǝni gǝlǝcǝk hǝftǝ Parlamentǝ tǝsdiqlǝnmǝsi üçün tǝqdim edǝcǝyini açıqlayıb.
Kabinet toplantısında çıxış edǝn Poroşenko, ölkǝnin şǝrqinin Ukraynanın bir hissǝsi kimi qalacağını bildirǝrǝk, federal sistemin vǝ ayrılmanın gündǝmdǝ olmadığını deyib.
Poroşenko, Ukrayna vǝ Rusiya tǝrǝfdarları arasında keçǝn hǝftǝ Minskdǝ imzalanan atǝşkǝs protokolunun indiki sǝrhǝdlǝrlǝ ölkǝnin şǝrqindǝki bǝzi bölgǝlǝrǝ özǝl status verilmǝsini ehtiva etdiyini söylǝyib.
Ancaq Poroşenkonun layihǝsi müstǝqillik istǝyǝn Rusiya tǝrǝfdarlarının istǝklǝrinǝ cavab vermir.
Poroşenko, sülh prosesinǝ dair ümidlǝri artıran açıqlamada da yayıb.
Ukrayna prezidenti, Rusiyanın, ölkǝnin şǝrqindǝki ǝsgǝrlǝrinin 70 faizini geri çǝkdiyini ifadǝ edib.
Moskova, Kiyev vǝ qǝrbli ölkǝlǝrin ǝksinǝ, Ukrayanın şǝrqinǝ ǝsgǝr göndǝrmǝdiyini, Rusiya tǝrǝfdarlarını silahlandırmağını hǝr fürsǝtdǝ dilǝ gǝtirir.
Bu arada, Avropa Tǝhlükǝsizlik Şurası vǝ Tǝşkilatının, atǝşkǝsi izlǝmǝk üzrǝ yaxın zamanda bölgǝyǝ pilotsuz tǝyyarǝ göndǝrǝcǝyi gözlǝnilir.
Ukraynanın şǝrqindǝ, Ukrayna ordusu ilǝ Rusiya tǝrǝfdarları arasında 5 aydır davam edǝn toqquşmalarda 2 min 700-dǝn artıq insan hǝyatını itirib, yarım milyona yaxın insan isǝ evlǝrini tǝrk etmǝk mǝcburiyyǝtindǝ qalıb.