Separatçılar döyüş təyyarəsini salıb

Ukraynada separatçılar tәrәfindәn döyüş təyyarəsi salınıb.
Ukraynanın şərqindəki Luhansk bölgəsində, Rusiya tərəfdarı separatçılar tәrәfindәn terrora qarşı mübarizə əməliyyatına qatılan MİQ-29 tipli qırıcı təyyarənin salındığı bildirilib.
Terrora qarşı mübarizə əməliyyatının nümayәndәsi Leonid Matyuhinin mәlumatına görә, MİQ-29 tipli döyüş təyyarəsi vurulub. Lakin vaxtında paraşütlә tullanan pilot aparılan axtarış-xilasetmə işləri nəticəsində tapılaraq etibarlı bölgəyə aparılıb.
Terrora qarşı mübarizə əməliyyatının mətbuat katibi Vladislav Seleznev, cari ayın әvvәlindә verdiyi açıqlamada , Rusiya tərəfdarı döyüşçülərin MİQ-29 ilə bir təcili yardım vertolyotu vurduqlarını bildirmişdi.