Qǝzzada yenidǝn bomba sǝslǝri

İsrail, bu gün sǝhǝr saatlarında ǝmǝl edǝcǝyini açıqladığı bir tǝrǝfli atǝşkǝsi bir gün bǝlǝ davam etdirǝ bilmǝdi.
İsrailin qırıcı tǝyyarǝlǝri, Qǝzzadan atılan raketlǝri bǝhanǝ gǝtirǝrǝk, yenidǝn bombardmana başlayıb.
İsrail, Misirin tǝklif etdiyi atǝşkǝs qǝrarına bu gün sǝhǝr saat 9.00-da ǝmǝl etmǝyǝ başlamışdı. Ancaq qǝrar qǝbul edildiyindǝn 6 saat keçmǝdǝn, Qǝzzada yenidǝn bomba sǝslǝri eşidilmǝyǝ başlanıb.
İsrailin hǝrbi nümayǝndǝsi, ǝn az 2 hǝdǝfi vurduqlarını bildirib.
Hǝmasın hǝrbi qanadı İzzǝddin Əl Kassam Tuğayları, atǝşkǝsǝ ǝmǝl etmǝyǝcǝklǝrini açıqlamış, İsrailin cǝnubuna sǝhǝr saatlarında 35 raket atmışdı.
Raketlǝr insan ölümlǝrinǝ sǝbǝb olmayıb. Bǝzilǝri Hayfa yaxınlığına qǝdǝr düşüb.
Hǝmas rǝsmilǝri isǝ, atǝşkǝs mövzusunda onlara mǝslǝhǝt edilmǝdiyini bildirib.
Bununla belǝ Hǝmas, atǝşkǝs müzakirǝlǝrinǝ qapılarını bağlamayıb, Qǝzzaya iqtisadi mühasirǝnin yüngüllǝşdirilmǝsini vǝ Fǝlǝstinli mǝhbusların sǝrbǝst buraxılmasını istǝyib.
İsrail hücumlarını davam etdirib etdirmǝyǝcǝyi barǝdǝ mǝlumat vermǝyib.
İsrailin Qǝzzaya qarşı bir hǝftǝdir davam edǝn hücumlarında 192 fǝlǝstinli hǝyatını itirib.