Rusiyaya məxsus döyüş təyyarəsi İdlibə hava zərbəsi endirib, ölənlər var

Rusiyaya məxsus döyüş təyyarəsinin Suriyada "İdlib deeskalasiya" zonasına endirdiyi hava zərbəsi nəticəsində 2 mülki şəxs həlak olub, 5 mülki şəxs isə yaralanıb.

Müxalifətə məxsus təyyarə rəsədxanasındanəldə edilən məlumata görə, yerli vaxtla saat 22.28-də Latakiyadakı Hmeymim hava bazasından havaya qalxan Rusiyaya məxsus döyüş təyyarəsi İdlibin Ayn Şib kəndinə hava zərbələri endirib.

Suriyadakı Mülki Müdafiə (Ağ Dəbilqəlilər) hücumda 2 mülki vətəndaşın həyatını itirdiyini, 5 mülki vətəndaşın isə yaralandığını bildirib.

Yaralılar ətrafdakı xəstəxanaya çatdırılıb.

Xatırladaq ki, Türkiye, Rusiya və İran 2017-ci ildə Astana görüşündə Suriya administrasiyasının nəzarətində olmayan ərazidə 4 “deeskalasiya zonası” yaratmaq qərarına gəlib.

Dəməşq rəhbərliyi İranın dəstəklədiyi terrorçular və Rusiya hücumlarını davam etdirərək 4 bölgədən 3-nü ələ keçirərək İdlibə doğru irəliləyib.

Türkiye 2018-ci ilin sentyabrında Rusiya ilə atəşkəsi gücləndirmək üçün əlavə razılaşma əldə etsə də, 2019-cu ilin mayında hücumlar yenidən artıb. Türkiye ilə Rusiya arasında 2020-ci il martın 5-də imzalanan yeni razılaşmadan sonra atəşkəs əsasən qorunub.

2017-2020-ci illərdə hücumlardan qaçan 2 milyona yaxın mülki şəxs Türkiye sərhədinə yaxın ərazilərə köç etmək məcburiyyətində qalıb.