İraq parlamenti ölkənin yeni prezidentini seçib

İraqda müstəqil namizəd Əbdüllətif Məhəmməd Camal Rəşid prezidentliyə seçilib.

Parlamentdə keçirilən iclasın ikinci turunda 269 deputatdan 162-nin səsini toplayan Rəşid prezident olub.

Əbdüllətif Rəşid Məhəmməd əl-Sudanini ölkə hökumətinin başçısı təyin edib.

Əl-Sudaninin Baş nazir postuna namizədliyini parlamentdə ən böyük siyasi blok sayılan “Koordinasiya Qüvvələri” təqdim edib.

Keçmiş Baş nazir Mustafa əl-Kazımi bütün siyasi qüvvələri hökumətin formalaşmasında əməkdaşlığa çağırıb. Əl-Sudani yeni hökumətin tərkibini yaxın günlərdə təqdim edəcək.