Putin: "Ölkəmin maraqlarına uyğun olması şərtilə diplomatik həll yolları axtarmağa hazırıq"

Rusiya prezidenti Vladimir Putin ölkəsinin maraqlarına uyğun olması və vətəndaşlarının təhlükəsizliyini təmin etmək şərti ilə dialoq və diplomatiyaya hər zaman açıq olduğunu bəyan edib.

Putin Vətən Müdafiəsi Günü çərçivəsində xalqa müraciət edib.

Ölkəsinin diplomatik həll yolları axtarmağa hazır olduğunu vurğulayan Putin deyib:

"Rusiyanın maraqları və təhlükəsizliyi müzakirə oluna bilməz. Ona görə də biz ordu və donanmanın effektivliyini artırmaq və ən son texnologiya ilə təchiz etmək üçün onları inkişaf etdirməyə və təkmilləşdirməyə davam edəcəyik" .

Putin ölkəsinin NATO-nun hərbi fəaliyyətləri və silahlara nəzarət sistemlərinin yumşaldılması kimi təhlükələrə məruz qaldığını bildirib:

"Beynəlxalq vəziyyətin nə qədər çətin inkişaf etdiyini, silahlara nəzarət sisteminin yumşaldılması və ya NATO blokunun hərbi fəaliyyəti kimi hazırkı çətinliklərlə hansı təhlükələrin olduğunu görürük. Eyni zamanda, Rusiyanın bütün ölkələri etibarlı şəkildə qoruyacaq şəkildə qoruyacaq bərabərhüquqlu və bölünməz təhlükəsizlik sistemi qurmaq çağırışları cavabsız qaldı”.

Putin həmçinin Rusiya silahlı qüvvələrinin müharibəyə hazırlığını yüksək qiymətləndirərək, onların ölkənin maraqlarını müdafiə edəcəklərinə əmin olduğunu vurğulayıb.

Fevralın 21-də Putin qondarma “Donetsk Xalq Respublikası" və "Luqansk Xalq Respublikası"nın müstəqilliyinin tanınması haqqında fərmanı imzalayıb.