Təbrizdə qırıcı təyyarə qəzaya uğrayıb, ölənlər var

İranın şimal-qərbində yerləşən Təbrizdə hərbi təlim təyyarəsinin qəzaya uğraması nəticəsində 3 nəfər həlak olub.

İran mətbuatının məlumatına görə, F5 tipli təlim təyyarəsi Təbrizdə yaşayış məntəqəsində qəzaya uğrayıb.

Şərqi Azərbaycan Əyalətinin Böhran İdarəetmə Baş direktoru Məhəmməd Bakir Hünerber bildirib ki, təyyarə şagirdlərin olmadığı bir məktəbin divarına və bir avtomobilə çırpılıb.

Hünerber təyyarədə olan iki nəfərin və avtomobildə olan bir nəfərin həyatını itirdiyini bildirib. 

İran rəsmisi bildirib ki, qəzanın səbəbləri ilə bağlı araşdırmalar davam edir.