Tunisdə çox sayda qeyri-qanuni miqrant xilas edildi
Tunisin Şafaks əyaləti sahillərində qeyri-qanuni miqrantları daşıyan gəmi aşıb.
1774484
TRT-nin Tunis rəsmi xəbər agentliyi “TAP”-a istinadən verdiyi xəbərə görə, hadisə Şafaks əyalətinin sahillərində baş verib. Aşan gəminin göyərtəsində olan qeyri -qanuni miqrantlardan 163-ü ölkə dəniz mühafizəçilərinin əməliyyatı nəticəsində sağ xilas edilib. onların arasında 9 qadın və 16 uşaq olub.
Qeyd edək ki, Tunis və Liviya kimi Afrikanın şimalındakı ölkələr, Aralıq dənizi vasitəsilə qeyri-qanuni yollarla Avropaya çatmaq istəyən miqrantlar üçün çıxış nöqtələri olaraq bilinir. Hər il minlərlə qeyri-qanuni miqrant daha yaxşı həyat ümidi ilə Avropaya getmək üçün Afrikadan Aralıq dənizinə üz tutur. Mühacirlərin bir qismi Avropaya çata bilsə də, bəziləri dənizdə ölür.
