Hava əməliyyatlarında terror təşkilatı PKK-ya məxsus hədəflər vuruldu

İraqın şimalında yerləşən Zap və Metina bölgələrinə istiqamətli hava əməliyyatlarında terror təşkilatı PKK-ya məxsus hədəflər vurulub.

Milli Müdafiə Nazirliyinin “Twitter” səhifəsində yer alan açıqlamada İraqın şimalındakı Hakruk bölgəsində davam edən “Pəncə” hərəkatı ilə koordinasiyalı olaraq, Zap və Metina bölgələrinə hava əməliyyatı təşkil edildiyi bildirilib.

Əməliyyat nəticəsində terror təşkilatı tərəfindən silah istinadgahı, sığınacaq yer və silah-sursat anbarı olaraq istifadə edilən hədəflərin vurulduğu qeyd olunub.