“Türk tərəfdaşlarımıza güvənməmək üçün heç bir səbəb yoxdur”
Amerika Birləşmiş Ştatlarının (ABŞ) Patriot sistemlərinin Türkiyəyə satışına icazə verməsi, Rus S-400 raket sistemlərinin satış prosesi ilə əlaqəli deyil. Mövcud müqavilənin tətbiqi davam edir. Bunu Kremlin sözçüsü Dmitriy Peskov deyib.
1109891
Dmitriy Peskov mövzu ilə əlaqəli açıqlamasında: “Hazırda Türk rəsmilər ilə bağlanan müqavilələr tətbiq edilir. Məlum S-400 layihəsi və müqaviləsi tətbiq mərhələsindədir və bundan imtina edilməyəcək. Türkiyənin S-400 havadan müdafiə raket sistemləri ilə əlaqədar məlumatlar ifşa edilməyəcək. Rusiyanın digər ölkələrlə etdiyi hərbi-texniki əməkdaşlıq ilə əlaqəli məlumatları bölüşməməsi mövzusunda qanuni öhdəlikləri vardır. Türk tərəfdaşlarımıza güvənməmək üçün heç bir səbəb yoxdur” - deyə sözçü vurğulayıb.
Qeyd edək ki, ABŞ dövlət departamenti, 3.5 milyard dollarlıq Patriot havadan müdafiə sistemlərinin Türkiyəyə satışını nəzərdə tutan qərarı təsdiq etmişdi.
