Yunanıstanın baş naziri yeni iqtisadiyyat paketini açıqladı

Yunanıstanın baş naziri Aleksis Çipras 83-cü Beynəlxalq Selanik Sərgisinin açılışında etdiyi çıxışında xilasetmə paketindən sonra vergi güzəştləri və sosial islahatları ehtiva edən iqtisadi prespektivdən danışdı.

2015-ci ilin avqustunda çətin bir seçim qarşısında xilasetmə paketini qəbul etdiklərini xatırladan Çipras: "Kreditorlarla razılığa gələrək ölkəmizin Avropa yolunu təhlükəyə atmamağın doğru seçim olduğu sübut edildi. Xilasetmə paketindən sonra yeni dövrün Yunanıstanını inşa etmək üçün şərait yarandı. 6 rüb ərzində iqtisadi böyümə təmin edildi. Statistika Qurumu 2018-ci il üçün böyümə proqnozunu 2,5 faizə qaldırdı" dedi.

Toplu müqavilələri yeniləndirəcəklərini açıqlayan Çipras:"Bütün tərəflərlə danışıqlarımızı başa vurduqdan sonra 2019-cu ildə minimum əmək haqqını yüksəldəcəyik" deyə danışdı.
 
 Çipras, həmçinin, bir çox fərqli vergi növünü və sosial sığorta ödəmələrini azaldacaqlarını dilə gətirdi.
 
 Mənzil vergisini yarıyadək azaldacaqlarını ifadə edən Çipras:"1 yanvar 2019-cu ildən etibarən 4 illik müddətdə qurumların vergisini 29 faizdən 25 faizə salacağıq. 1 yanvar 2021-ci ildən etibarən 24 faiz olan ÖDV-ni 22 faizə salacağıq" dedi.

 Qeyd edək ki,  Yunanıstan 8 il ərzində 3 xilasetmə paketindən sonra 20 avqustda proqramdan çıxan son Avropa ölkəsi olub.