Suriya rejiminin vəhşəti

Suriyada keçən ay 5-i uşaq, 2-si qadın cəmi 9 mülki vətəndaş Əsəd rejiminin çəllək bombası ilə öldü.

Suriya İnsan Haqları Təşkilatı (SNHR) Bəşər Əsəd rejiminin ölkənin müxtəlif bölgələrindəki sivil yaşayış məntəqələrinə istiqamətli hücumlarda 528 dəfə çəllək bombası atdığını deyib.  

SNHR Əsəd rejiminin müxalifətin nəzarətindəki yaşayış məntəqələrinə iyulda etdiyi çəllək bombası hücumlarına dair hesabat yayıb.

Hesabatda rejim qüvvələrinin keçən aykı hücumlarda  528 dəfə çəllək bombası atdığı və hücumlarda 5-i uşaq, 2-si qadın cəmi 9 mülki vətəndaşın həyatını itirdiyi qeyd olunub.

Hesabatda Əsəd rejimi və Rusiyanın keçən ay ölkənin cənub bölgələrinə şiddətli hücumlar edərək bölgə xalqını köçə məcbur etməyi hədəf götürdüyü ifadə edilib.