İtaliya ordusundan terror təşkilatına dəstək
İtaliya ordusu ABŞ və Fransa qüvvələrinin yanında YPG/PKK-ya dəstək olmaq üçün Suriyanın Deyr əz-Zor bölgəsinə əsgər göndərib.
991099
Anadolu agentliyinin Deyr əz-Zordakı yerli mənbələrə istinad etdiyi məlumata görə, təxminən 1 həftə əvvəl Suriyanın şimalında terror təşkilatı YPG/PKK nəzarətində olan ərazilərə İraq vasitəsilə İtaliya əsgərləri girib. DEAŞ əleyhinə beynəlxalq koalisiya tərkibinə daxil olan az sayda İtaliya əsgəri əvvəlcə Hasəkəyə, sonra Deyr əz-Zora keçib. Əsgərlər Deyr əz-Zorun Ömər neft sahəsindəki ABŞ bazasına yerləşib. Hazırda tam sayları bilinməyən İtaliya qüvvələri DEAŞ-a qarşı əməliyyatlarda ABŞ və Fransa əsgərlərinə dəstək verir. İtaliya əsgərlərinin qarşıdurmalara iştirak etməyəcəkləri qeyd olunur.
Qeyd edə ki, DEAŞ İraq sərhədində Haseki və Deyr əz-Zor şəhərlərində mühasirə altında olan iki fərqli bölgədə gizlənib.