"Hmeymim" hava limanının minalardan atəşə tutulması nəticəsində iki hərbçi ölüb

 Suriyada "Hmeymim" hava limanının minalardan atəşə tutulması nəticəsində iki hərbçi ölüb.

Rusiyanın Müdafiə Nazirliyi bildirilib ki, 31 dekabr 2017-ci il tarixində qaranlıq düşən vaxt "Hmeymim" hava limanı yaraqlıların mobil təxribat qrupunun minaatanlardan atəş açılmaqla qəfil hücumuna məruz qalıb.

Qeyd edilib ki, Suriya təhlükəsizlik orqanları hücumda iştirak edən yaraqlıların axtarışı və məhv edilməsi, habelə hava limanına bitişik ərazinin qorunması rejiminin gücləndirilməsi üzrə əlavə tədbirlər görür.

Bundan başqa, Müdafiə Nazirliyi Rusiyanın bazada olan 7 təyyarəsinin məhv edilməsi barədə məlumatları təkzib edib.