Hələbdə toplu məzarlar tapılıb
Suriyanın Hələb şəhərində, işgəncə və zorakılığa məruz qalan dinç sakinlərin basdırılmış olduğu toplu məzarlar aşkarlanıb.
Rusiya Müdafiə Nazirliyinin sözçüsü İqor Konaşenkov verdiyi açıqlamada vəhşicə işgəncəyə və şiddətə məruz qalmış onlarla Suriyalının basdırılmış olduğu toplu məzarlar tapıldığını, bəzi cəsədlərin parçalanmış vəziyyətdə, bəzilərinin isə başlarından vurularaq öldürüldüyünü bildirib.
Bu cinayətlərin terrorçular tərəfindən törədilən ən ağır müharibə cinayətləri kimi qeydiyyata alındığını ifadə edən Rus səlahiyyətli :”Sözdə müxaliflərin London və Parisdəki Avropalı dəstəkçilərinin, müxaliflərin gerçək üzlərini görmələri və nə qədər vəhşi olduqlarını idrak etmələri üçün, aşkarlanan toplu məzarlar və törədilən digər cinayətlərə dair məlumatlar ictimaiyyətə çatdırılacaqdır. Şərqi Hələbə uzun müddət nəzarəti əllərində tutan müxaliflər, dinç sakinlərin bölgədən evakuasiya edildikləri əsnada belə müxtəlif yerlərə mina yerləşdirərək məsum insanların ölmələrinə səbəb olublar” deyə vurğulayıb.
İngiltərə mərkəzli Suriya İnsan Haqqlarını İzləmə Təşkilatı da son bir həftə ərzində şəhərin müxtəlif yerlərində yerləşdirilmiş minaların partlaması nəticəsində 63 əsgər və dinç sakinın həyatını itirdiyini bildirib.
