DEAŞ üzvü 35 terrorçu məhv edilib
“Fərat Qalxanı” əməliyyatı çərçivəsində 4 əsgər yüngül yaralanıb.
Suriyanın şimal bölgəsinin terror ünsürlərindən azad edilməsi məqsədi ilə avqustun 24-də Türkiyənin başçılığında start verilən “Fərat Qalxanı” əməliyyatı çərçivəsində 4 əsgər yüngül yaralanıb.
Əsgərlərin zirəhli texnikanın müşayiətindəki tankvuran raketlə vurulması nəticəsində yaralandıqları açıqlanıb. Bu arada əl istehsalı olan partlayıcı da atılıb.
Yaralı əsgərlər Kilis dövlət xəstəxanasına yerləşdiriliblər.
Soi toqquşmalarda müxalifətdən 9-u şəhid olduqda, 52-si isə yaralanıb.
Müxalifət mənsublarından ibarət Xüsusi Təlim Qüvvə Qrupu Mare və Rai məntəqəsində 7 yaşayış yerinə nəzarəti ələ keçirib.
Bununla da müxalifətin nəzarətindəki yaşayış məntəqəsinin sayı 202-yə çıxıb.
Türkiyə Silahlı Qüvvələrinin havadan və qurudan güclü atəş dəstəyini götürən müxalifət Əl-Bab yolunda irəliləməkdə davam edir. Strateji əhəmiyyətə malik Əl-Baba girmək üçün sadəcə 2 km qalıb. Müxalifətin irəliləyişi qarşısında terror təşkilatı DEAŞ küncə sıxışıb.
Əl-Baba yaxınlaşdıqca toqquşmanın şiddəti də artır.
Türkiyə Hava Qüvvələrinə məxsus qırıcılar ilə Əl-Bab bölgəsinə edilən hava hücumunda aralarında DEAŞ-a aid komanda nəzarət mərkəzi, silah-sursat anbarı və qərargah binalarının yerləşdiyi 15 hədəf məhv edilib.
Əməliyyat çərçivəsində DEAŞ üzvü 35 terrorçu zərərsizləşdirilib.
Digər tərəfdən Tall Jijan bölgəsinə nəzarəti ələ keçirməyə cəhd göstərən PYD/PKK ünsürlərinə istiqamətli artilleriya və tanklardan açılan atəş nəticəsində 10 terrorçu məhv edilib.