Misirdə sərnişin qatarı qəzaya uğradı
Qahirə-Said səfəri ilə hərəkət edən sərnişin qatarının ilk 3 vaqonu sürəti aşması səbəbindən relsdən çıxaraq aşıb.
567318
Misirin Giza şəhərində sərnişin qatarının 3 vaqonunun aşması nəticəsində 5 nəfər öldü, 27 nəfər yaralandı.
Qahirə-Said səfəri ilə hərəkət edən sərnişin qatarının ilk 3 vaqonu Iyat səmtində rels dəyişdirdiyi zaman sürəti aşması səbəbindən relsdən çıxaraq aşıb.
Qeyd edək ki, Iyat səmti Misirdə ən çox qatar qəzalarının baş verdiyi bölgə kimi tanınır.
2002-ci ildə eyni yerdə bir qatarda çıxan yanğında 350 adam həyatını itirmişdi.
Eyni bölgədə 2009-ci ildə isə iki sərnişin qatarının toqquşması nəticəsində 30 nəfər həyatını itirmiş, 60 nəfər də yaralanmışdı.