Göyərtəsində 112 sərnişinin olan təyyarə qəza enişi edib

Pakistanın Lahor şəhərində 112 sərnişinin olduğu təyyarə qəza enişi edib. Nəticədə 10 nəfər yaralanıb. Təkərləri partlayan təyyarə bir qədər getdikdən sonra uçuş zolağından da çıxıb. Təkərlər olan hissə təyyarənin gövdəsindən ayrılıb. Sərnişinlər təyyarənin qəza çıxışlarından çıxarılıb. Lahor hava Limanında bütün uçuşlar təxirə salınıb. Xatırladaq ki, 2012-ci ildə Pakistanda son dəfə baş verən təyyarə qəzasında 127 nəfər həyatını itirmişdi.