Belarusda keçirilǝn prezident seçkilǝri

‘‘Avrasiya gündǝmi’’ proqramının bu günkü hissǝsindǝ Belarusda keçirilǝn prezident seçkilǝrini qiymǝtlǝndirǝcǝyik.

2020-ci ilin 9 avqust tarixindǝ Belarusda prezident seçkilǝri keçirildi. Prezident seçkilǝrindǝ beş namizǝd mübarizǝ apardı. Seçkilǝrdǝ 5 milyon 818 min 955 seçici iştirak etdi. Belarus Mǝrkǝzi Seçki Komissiyasının mǝlumatına ǝsasǝn, Aleksandr Lukaşenko seçicilǝrin 80 %-nin sǝsini toplayaraq yenidǝn prezident seçildi. Mǝrkǝzi Seçki Komissiyası seçkilǝrdǝ mübarizǝ aparan Svetlana Tixanovskayanın seçicilǝrin 10 faizinin sǝsini topladığını açıqladı.

Müxalifǝt seçkilǝrin nǝticǝlǝrini qǝbul etmǝyǝcǝyini bildirǝrǝk seçki günündǝn etibarǝn hǝr gün ölkǝnin müxtǝlif bölgǝlǝrindǝ etiraz aksiyaları keçirir. Rǝsmi mǝlumatlara ǝsasǝn, etiraz aksiyaları zamanı 6700 nǝfǝr saxlanılıb. Yerli media orqanlarının yaydığı mǝlumata ǝsasǝn aksiyalar zamanı 2 nǝfǝr dǝ hǝlak olub. Tǝhlükǝsizlik qüvvǝlǝrinin aksiyaçılara sǝrt müdaxilǝ etmǝsi xalqın reaksiyasına sǝbǝb oldu. Әslindǝ bu il keçirilǝn prezident seçkilǝrin daha ǝvvǝl keçirilǝnlǝrǝ bǝnzǝmǝyǝcǝyi bǝlli idi.

Belarusda keçirilǝn prezident seçkilǝri prosesindǝ vǝ son günlǝrdǝ etiraz aksiyalarında qadınların ön planda olmaları diqqǝt çǝkdi. Belarus qadınları bu prosesin necǝ nǝticǝlǝnǝcǝyi mǝsǝlǝsindǝ həlledici rol oynaya bilər.

Seçkilǝrdǝn ǝvvǝl Rusiyanın özǝl Vaqner şirkǝtinin 33 ǝmǝkdaşının Belarusda saxlanılması Belarus-Rusiya münasibǝtlǝrindǝ problemǝ sǝbǝb oldu. Saxlanılan şǝxslǝr seçkilǝrdǝn sonra Rusiyaya göndǝrildi. Bu hadisǝnin qurma olub-olmadığını vaxt göstǝrǝcǝk. Lukaşenko son illǝrdǝ vǝ xüsusilǝ seçki prosesindǝ Kremli tǝnqid etdi. Yalnız Qǝrbǝ qarşı mübarizǝdǝ  Minsk vǝ Moskva rǝhbǝrliklǝri  bir-birlǝrinǝ möhtacdırlar. Xatırladaq ki, iki ölkǝ prezidentlǝri arasında avqustun  15-dǝ telefon danışığı oldu. Söhbǝt zamanı Vladimir Putin Rusiyanın hǝr zaman Belarusun yanında olduğunu vurğuladı.

Belarusda keçirilǝn prezident seçkilǝrinin nǝticǝsini ölkǝnin şǝrqindǝ yerlǝşǝn bir çox ölkǝ qǝbul etsǝ dǝ, qǝrbdǝki ölkǝlǝr seçkilǝrin yenidǝn keçirilmǝsini tǝlǝb edir. Aİ mövcud Belarus rǝhbǝrlǝrinǝ sanksiya tǝtbiq etmǝklǝ bağlı qǝrar qǝbul etdiyini açıqlayıb. Lukaşenkonun müxalifǝtlǝ apardığı danışıqlarda  hǝlǝ ki müsbǝt nǝticǝ ǝldǝ olunmayıb. Lukaşenko Ukrayna vǝ Polşa kimi ölkǝlǝrdǝn olan bǝzi şǝxslǝrin Belarusu qarışdırmaq istǝdiyini iddia edir. Sǝslǝrin yenidǝn sayılmasını istǝyǝn müxalifǝt isǝ Lukaşenkonun istefa vermǝsini tǝlǝb edir.