“Türkiyə xarici siyasətinə sadiq qalacaq”, H.Fidan

  “Türkiyə milli maraqlara əsaslanan və istənilən formada təsirdən müstəqil olmağa hədəflənən xarici siyasət konsepsiyasına sadiq qalmaqda davam edəcək”, bunu ölkənin yeni xarici işlər naziri Hakan Fidan 5 iyunda Ankarada keçirilən Xarici İşlər Nazirliyi rəhbərinin səlahiyyətlərinin təhvil-təslim mərasimində bildirib.

  H.Fidan deyib: “XİN rəhbəri postunda Türkiyənin maraqlarının müdafiəsi və təşviqi, ölkənin bütövlüyü, təhlükəsizliyi və rifahı naminə əlimdən gələni əsirgəməyəcəyəm. Cümhuriyyətin yüz illiyi və Türkiyə diplomatik xidmətinin 500-cü ildönümündə Xarici İşlər Nazirliyinin rəhbəri vəzifəsinə təyin edilməyimdən məmnunam.

  Türkiyə xarici işlər naziri olaraq göstərdiyi çoxillik sanballı və gərgin fəaliyyətinə görə Mövlud Çavuşoğluna minnətdarlığını bildirirəm”.