İnandırma cəhdləri nəticəsində 2 terrorçu təslim olub

İnandırma cəhdləri nəticəsində terror təşkilatı PKK-dan qaçan daha 2 terrorçu təhlükəsizlik qüvvələrinə təslim olub.
Daxili İşlər Nazirliyindən verilən məlumata görə, Jandarma Baş Komandanlığı və Təhlükəsizlik Baş İdarəsi tərəfindən həyata keçirilən inandırma cəhdləri nəticəsində terror təşkilatı PKK-dan qaçan daha 2 terror təşkilatı üzvü təhlükəsizlik qüvvələrinə təslim olub. 

Təslim olan təşkilat üzvlərinin 2013 və 2014-cü illərdə terror təşkilatına qoşularaq Suriyada fəaliyyət göstərdikləri müəyyən edilib.

Bununla da inandırma cəhdləri nəticəsində cari il təslim olan təşkilat üzvlərinin sayı 50-yə yüksəlib.

Digər tərəfdən, iyunun 4-də Suriyanın şimalında separatçı terror təşkilatı PKK/YPG-dən 2 terrorçu zərərsizləşdirilib

Milli Müdafiə Nazirliyinin sosial media hesabından verilən açıqlamada "Terrorçu haradadırsa, hədəf də ordadır. Suriyanın şimalındakı "Sülh çeşməsi" bölgəsinə hücuma hazırlaşmaqda olduğu aşkarlanan 2 PKK/YPG terrorçusu zərərsizləşdirilib" deyilib.