Əlixan Smailov yenidən Qazaxıstanın Baş naziri təyin edilib

Qazaxıstan Prezidentliyindən verilən məlumata görə, prezident Kasım Vomart-Tokayev “Amanat” partiyasının sədri Yerlan Koşanovu qəbul edib.

Koşanov bildirib ki, görüş zamanı Əlixan Smailov baş nazir postuna namizədliyinin irəli sürülməsi barədə qərar qəbul ediblər.

Prezident Tokayev daha sonra parlament binasında baş nazirliyə namizəd barədə məsləhətləşmələr aparmaq üçün parlamentdəki 6 siyasi partiyanın rəhbərləri ilə görüşüb.

Daha sonra parlamentin plenar iclasında iştirak edən Tokayev Smailovun adını Baş Nazirliyin ofisinə təqdim edib.

Smailovun baş nazir olması üçün səsvermədə iştirak edən 97 deputatdan 7-si əleyhinə, 82-si isə “bəli” səs verib. Səkkiz millət vəkili bitərəf səs verib.

Beləliklə, İsmailov yenidən baş nazir təyin edilib.

Prezidentlikdən verilən digər açıqlamada Tokayevin parlamentdə keçirilən səsvermədən sonra İsmailovun baş nazir təyin edilməsi haqqında fərmanı imzaladığı bildirilib.

Martın 19-da ölkədə keçirilən parlament seçkilərindən sonra Qazaxıstan hökuməti konstitusiyaya uyğun olaraq martın 29-da istefa verib.