Azərbaycanda "Covid-19"dan ölüm və yoluxma sayı (2 aprel 2022)
Nazirlər Kabineti yanında Operativ Qərargahdan verilən məlumata görə...
Azərbaycanda yeni növ koronavirus (Covid-19) infeksiyasına son sutkada 40 yoluxma faktı qeydə alınıb, 36 nəfər müalicə olunaraq sağalıb.
Nazirlər Kabineti yanında Operativ Qərargahdan verilən məlumata görə, analiz nümunələri müsbət çıxan 3 nəfər vəfat edib.
İndiyədək ölkədə ümumilikdə 792 min 19 nəfərin koronavirus infeksiyasına yoluxması faktı müəyyən edilib, onlardan 781 min 974 nəfər müalicə olunaraq sağalıb, 9 min 697 nəfər vəfat edib. Aktiv xəstə sayı 348 nəfərdir.
Son sutkada yeni yoluxma hallarının müəyyənləşdirilməsi ilə əlaqədar 4 min 297, bu günə qədər isə ümumilikdə 6 milyon 710 min 309 test icra olunub.
Aprelin 2-də Azərbaycanda yeni növ koronavirus infeksiyası əleyhinə 12 min 558 doza vaksin vurulub.
Gün ərzində birinci doza üzrə vurulan vaksinlərin sayı 1 min 69, ikinci doza vaksinlərin sayı - 1 min 180, üç və daha çox doza vaksinlərin sayı – 9 min 718, pozitiv nəticədən sonra “buster” doza vaksinlərin sayı – 591-dir.
Azərbaycanda bu günə qədər vurulan vaksinlərin ümumi sayı 13 milyon 481 min 759, birinci mərhələ üzrə vurulan peyvəndlərin ümumi sayı 5 milyon 326 min 364, ikinci mərhələ üzrə 4 milyon 827 min 53, üç və daha çox doza vaksinlərin sayı 3 milyon 98 min 441, pozitiv nəticədən sonra “buster” doza vaksinlərin sayı 229 min 901-dir.
Әlaqәli Xәbәrlәr
"İsrail də eyni addımı atmalıdır", R.T.Ərdoğan
Nazirlər Kabinetinin iclasından sonra açıqlamalar verən Ərdoğan deyib ...