İbrahim Kalın:"Paşinyanın açıqlaması Ermənistanın niyyətini ortaya qoyur"

“Paşinyanın “Qarabağda diplomatik həll yolu yoxdur” açıqlaması Ermənistanın niyyətini ortaya qoyur”.

Bunu Prezidentin sözçüsü İbrahim Kalın “Twitter” səhifəsində yazıb.

O bildirib ki, kimin müharibə istədiyi aydındır: “Bu, Türkiyənin və Azərbaycanın haqlılığını bir daha təsdiqlədi: Cənubi Qafqaza sülh və sabitlik yalnız Qarabağ azad edildikdən sonra gələcək”.

Azərbaycan Prezidentinin köməkçisi, Prezident Administrasiyası Xarici siyasət məsələləri şöbəsinin müdiri Hikmət Hacıyev də Ermənistan rəhbərliyinin bu açıqlamasının münaqişənin diplomatik yolla həlli istiqamətində beynəlxalq ictimaiyyət tərəfindən atılan addımlara hörmətsiz olduğunu bildirib.